May 23, 2011

நியூ ஸ்டேட்ஸ்மென் போட்டிகள் - கடுகு

நான் 1962ல் புதுடில்லி சென்றதும் ஒரு புதிய உலகத்திற்குச் சென்ற உணர்வைப் பெற்றேன். முக்கியமாக அங்கு இருந்த புத்தகசாலை வசதிகளைக் கண்டு அளவு கடந்த உற்சாகத்தை அடைந்தேன். (பின்னால் 1995ல் அன்ட்லாண்டாவில் உள்ள எமரி சர்வ கலாசாலையின் எட்டு மாடி பிரம்மாண்டமான உட்ராஃப் புத்தகசாலைக்குள் நுழைந்த போது ஏற்பட்ட உற்சாகத்திற்கு முன் இது ஒன்றுமே இல்லை.)

டில்லியில் சென்ட்ரல் செகரட்ரியேட் புத்தக சாலை இருந்தது. இரண்டு புத்தகங்கள் எடுத்துச் செல்ல கார்டு கொடுத்தார்கள்.
அங்கு தினசரி பேப்பர் படிக்கச் செல்பவர்கள்தான் அதிகம். ரெஃபரன்ஸ் (இதற்குத் தமிழ் வார்த்தை என்ன?) பகுதியில் பிபிஸி LISTENER, TIME AND TIDE, JOHN O' LONDON,  NEW STATESMAN, PUNCH. LIFE, TIME போன்ற பத்திரிகைகளின் தொகுப்புகள் பைண்ட் செய்து வைக்கப்பட்டிருக்கும். யாரும் அந்தப் பக்கமே போக மாட்டார்கள். புத்தகசாலை ஊழியர்கள் குறிப்பாக! அதனால் புத்தகங்கள் மேல் தூசு அங்குலக் கணக்கில் படிந்திருக்கும்.
அந்த தொகுப்புகளை எல்லாம் புரட்டிப் பார்ப்பேன். நிறைய கட்டுரைகளைப் படித்தேன். LISTENER பத்திரிகையில் பிரமாதமான கட்டுரைகள்  வரும்.
நியு ஸ்டேட்ஸ்மென் பத்திரிகையில் வாராவாரம் ஒரு சுவையான் போட்டி வைப்பார்கள். 1962 வரை சுமார் 2000 போட்டிகள்வந்திருந்தன. (இன்றும் அது தொடர்கிறதை வலைத் தளத்தில் படித்தேன். டிசம்பர் 2010-ல் 4159வது போட்டி வெளியாகி இருக்கிறது.)  வாரம் ஒரு போட்டி,. இது வரை: 4000-த்துக்கு மேல் வந்துள்ளன என்றால் எத்தனை வருஷமாக இந்தப் போட்டிகள் தொடர்ந்து வந்து கொண்டிருக்கின்றன என்பதைக் கணக்குப் பண்ணிப் பாருங்கள்!

இந்தப் போட்டிகள் மிகவும் வித்தியாசமானவையாகவும் இலக்கியத் தரமாகவும் பல சமயம் நகைச்சுவையாகவும் கூட இருக்கும். உதாரணத்திற்கு...
 டிசம்பர் 2010 இதழில் வெளிவந்த போட்டியைப் பாருங்கள்.

Competition No.4159:
The next challenge
Highly paid people often justify their wealth by saying they "work very hard", without mentioning what it is that they do. We would like an account of a highly paid person who works very hard at something totally useless. No bankers, please!


நான் 1960-70 வருடத்தில் வந்த பழைய போட்டிகளை எல்லாம் படித்து ஒன்று இரண்டு ஐடியாக்களை தினமணி கதிரில் வெளியிட்டேன்.
அந்தப் போட்டிகளைப் சிலவற்றை பின்னால் போடுகிறேன்.
இப்போது இங்கு தந்துள்ள போட்டி எண் 4159 ல் கேட்டுள்ளபடி ஒரு குட்டிக் கட்டுரையை எழுத முயற்சி செய்து பாருங்கள்.

 பின்குறிப்பு: இந்த போட்டிக்கு நியூ ஸ்டேட்ஸ்மெனுக்கு வந்த  ஒன்றிரண்டு குட்டிக்  கட்டுரைகளை இரண்டு நாளில் போடுகிறேன்.

2 comments:

  1. Sir... by this day i finished reading the matters in your blog from the beginning date. really many excellent things and many of them kindling the memories of olden days. please continue writing that too in a humorous way.

    ReplyDelete
  2. Thank you. Will try to post interesing articles.

    ReplyDelete

உங்கள் கருத்துகளை வரவேற்கிறேன் :