WORD PLAY -வார்த்தை விளையாட்டு

 அன்புடையீர், 
சிலர் அனுப்பிய பின்னூட்டங்கள் எப்படியோ மாயமாய்ப்   போய்விட்டன. அவர்கள் அன்புடன் மறுபடியும் அனுப்பினால். பிரசுரிக்கிறேன்.
==================================
எலிஸபெத் ராணி

சமீபத்தில் எலிஸபெத் அரசிக்குக் கொள்ளு பேரன் பிறந்த சமயம், அது தொடர்பான ஒரு துணுக்கைப் பதிவில் போடலாம் என்று எண்ணினேன். ஆனால் வேறு பதிவுகள் கியூவில்  முந்திக் கொண்டதால் போடவில்லை.
உடனே போடாததும் ஒரு விதத்தில்  நல்லதாகப் போயிற்று.

FLASHBACK:  1964-ல் ராணிக்கு ஒரு ஆண் குழந்தை பிறந்தது. ( அந்தக் குழந்தை தான்  எட்வர்ட்.) அந்தக் குழந்தை பிறந்தபோது லண்டன் டெய்லி மெயில் தினசரி குழந்தையின் படத்தை வெளியிட்டது.  குழந்தை அழுது கொண்டிருந்தபோது எடுக்கப்பட்ட படம். படத்திற்கு மெயில் போட்ட தலைப்பு”  HIS CRYNESS!  (HIS ROYAL CRYNESS? - எது  சரி என்று  ஞாபகம் இல்லை.)
இந்த வித்தியாசமான WORDPLAY - யை நான் தினமணி கதிரில் துணுக்காக எழுதினேன்.
*               *                *
சமீபத்தில் அமுல் விளம்பரங்களையெல்லாம் பார்த்துக் கொண்டிருந்தேன், ஏர்- இந்தியா விளம்பரங்களைப் போல் நகைச்சுவையுடன் அவை இருக்கும்.(யுனைடெட் இந்தியா இன்ஷூரன்ஸ் விளம்பரங்களும் இதே ரகம். ("At United India,it's always U before I.)  என்றாலும், இன்ஷூரன்ஸ் என்ற  வார்த்தையை வைத்துக் கொண்டு அதிகம் விளையாட முடியாது.

ராணிக்குக் கொள்ளு பேரன் பிறந்த சமயம் அமுல் விளம்பரத்தில் HIS  ROYAL CRYNESS! என்ற வார்த்தையை போட்டு இருந்தார்கள். படத்தைப் பார்க்கவும்.

போனசாக மேலும் சில அமுல் விளம்பரங்களைத் தருகிறேன். இப்போதெல்லாம் அமுல்  விளம்பரங்களில் ‘ஹிங்கிலீஷ்’ அதிகம் இருப்பதால் ஹிந்தி தெரியாதவர்கள் அதிகம் ரசிக்க முடியாது.

ஆமாம், கடைசி படத்தில் கமலஹாஸனுடன் இருப்பது யார்? நமது வெண்பா வேந்தர் கிரேஸியா?

பிரின்ஸ் பிலிப்.
ராணியின் கணவர்  பிரின்ஸ் பிலிப் ஒரு நகைச்சுவைப்பிரியர். அவ்வப்போது தமாஷாக ஏதாவது சொல்வார்.
1954-ஆஸ்திரேலியா நாட்டிற்கு பிரின்ஸ் பிலிப் விஜயம் செய்தார். அப்போது ஒரு நிகழ்ச்சியில் ஒரு தம்பதியரை அவருக்கு அறிமுகம் செய்தார்கள். இவர் ”மிஸ்டர் ராபின்ஸன். இவர் திருமதி டாக்டர் ராபின்ஸன்” என்று அறிமுகம் செய்தவுடன்,  பிரின்ஸ் பிலிப்பிடம் ராபின்ஸன் சொன்னார்:  “என் மனைவி தத்துவத்தில் டாக்டர் பட்டம் பெற்றவர். என்னை விட அவர் ரொம்ப ரொம்ப முக்கியமானவர்.”
உடனே  பிரின்ஸ் பிலிப்.தலையை ஆட்டியபடியே, “ஆமாம்... ஆமாம்.. அந்தப் பிரச்னை எங்கள் குடும்பத்திலும்  இருக்கிறது!” என்றார் குறும்பாக!

பிரதமர்
சமீபத்தில் பிரிட்டிஷ் பிரதமர்   டேவிட் கேமரான் அமெரிக்காவிற்கு விஜயம் செய்தார். நியூயார்க்கில் பிரிட்டிஷ் சுற்றுலா துறை  தொடர்பான  ஒரு நிகழ்ச்சி ஏற்பாடு செய்யப்பட்டிருந்தது. அதில் கலந்து கொள்வதற்கு அவரும்
 ராணியின் பேரன் ( சார்லஸ்- டயானாவின் பிள்ளை) பிரின்ஸ் ஹாரியும் ஒரு மாடி பஸ்ஸில் வந்து அசத்தி விட்டர்கள்.. அது லண்டன் சுற்றுலா துறையின் RED BUS என்னும் சொகுசு பஸ். (லண்டனிலிருந்து கொண்டு வரப்பட்டதாம்!)

ஒரு ஆங்கிலப் புதிர்.
 
சுலபமான  புதிர்தான். 
இங்கு 9 ஆங்கில எழுத்துகள் தரப்பட்டுள்ளன. இந்த  எழுத்துகளைக் கொண்டு எத்தனை தனித்தனி வார்த்தைகள் உருவாக்க முடியும். ஒரு எழுத்தை ஒரு வார்த்தையில் ஒருதரம் தான் உபயோகிக்கலாம், 
அதிக பட்ச வார்த்தைகளைக்  கண்டு பிடிப்பவர்களுக்கு டாக்டர் பட்டம் தரப்படும். (CONDITIONS APPLY!)

குறிப்பு: சிலர் வார்த்தைகளைக்  கண்டுபிடித்து எழுதி இருக்கிறார்கள். நாலைந்து  நாள் கழித்து எல்லாவற்றையும் பிரசுரிக்கிறேன்.